فی تولہ سونے کی قیمت میں ایک مرتبہ پھر بڑی کمی

عالمی منڈی میں دوسرے روز قیمتیں بڑھنے کے باوجود ملک بھر میں سونے کی قیمت میں بڑی کمی ریکارڈ کی گئی ہے۔

تفصیلات کے مطابق بین الاقوامی مارکیٹ میں فی اونس سونے کی قدر 18 امریکی ڈالر بڑھنے کے بعد 2027 امریکی کرنسی ہو گئی ہے۔

عالمی مارکیٹ میں قیمتیں کے باوجود ملک بھر کی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان، راولپنڈی سمیت دیگر جگہوں پر فی تولہ سونے کی قیمت میں 500 روپے کی بڑی کمی دیکھی گئی اور نئی قیمت 217500 روپے ہو گئی ہے۔

فی تولہ سونے کی طرح دس گرام کی قیمت میں بھی 429 روپے کی گراوٹ دیکھی گئی اور نئی قیمت 186471 روپے ہو گئی ہے۔

سونے کی طرح فی تولہ اور دس گرام چاندی کی قیمت میں 30 روپے اور 25.71 روپے کی سطح پر پہنچ گئی ہے اور نئی قدر بالترتیب 2550 روپے اور 2186.21 روپے کی سطح پر پہنچ گئی ہے۔