پارا چنار ہائی سکول میں فائرنگ ،6 اساتذہ جاں بحق

پارا چنار کے علاقے اپر کرم  میں گورنمنٹ ہائی اسکول تری منگل میں فائرنگ  کا واقعہ پیش آیا ہے جس میں 6 اساتذہ جاں بحق ہوگئے ہیں۔ جاں بحق ہونے والے اساتذہ میں میر حسین، جواد حسین، نوید حسین،جواد علی،محمد حسین اور علی حسین شامل ہیں۔

پولیس کے مطابق نامعلوم افرادنے فائرنگ اسکول کے اسٹاف روم میں کی، فائرنگ کے واقعے کے بعداسپتالوں میں ایمرجنسی نافذ کردی گئی ہے۔

فائرنگ کا نشانہ بنائے گئے تمام ٹیچر امتحانی ڈیوٹی ہر تھے۔ اس سے قبل  آج پارہ چنار میں چلتی گاڑی پر فائرنگ کرکے ایک ٹیچر کوقتل کیا گیا تھا۔ٹیچرز کو قتل کرنےوالے ملزمان کی تلاش جاری ہے، جاں بحق ٹیچرز کی لاشیں پارہ چنار اسپتال لائی جا رہی ہیں۔