مشہور گلوکارہ پر تشدد اور اغواء کی کوشش ، مقدمہ درج

تفصیلات کے مطابق   پاکستان کی مشہور گلوکارہ صنم ماروی  نے اپنے  سابق شوہر حامد علی  اور ان کے ساتھیوں کیخلاف تشدد اور اغوا کی کوشش کا  مقدمہ درج کرادیا ہے۔صنم ماروی نے  ایف آئی آر تھانہ اسلام پورہ میں درج کرائی ہے۔

گلوکارہ نے ایف آئی آر میں موقف اپنایا ہے کہ ان کو سابق شوہر حامد علی اور ان کے بھائی نے تشدد کا نشانہ بنایا اور اغوا کرنے کی کوشش بھی کی۔

خیال رہے کہ گلوکارہ  صنم ماروی کو کوک اسٹوڈیو سیزن 4 سے شہرت ملی تھی۔

واضح   رہے کہ گلوکارہ صنم ماروی  کی حامد علی کے ساتھ دوسری شادی تھی، ان کی پہلی شادی 18 سال کی عمرمیں آفتاب احمد سے ہوئی تھی جنہیں 2009 میں کراچی میں قتل کردیا گیا تھا۔