بچوں کیلئے دنیا کا پہلا اسمارٹ فون تیار

غیرملکی خبررساں ادارے کی رپورٹ کے مطابق  اسمارٹ فون ’’نووس‘‘ ایک ہی وقت میں اسمارٹ فون، اسمارٹ واچ اور مصنوعی ذہانت والا اسپیکر بن جاتا ہے، یہ فورجی نیٹ ورک کو سپورٹ کرتا ہے جبکہ اس میں ویڈیو کال، آڈیو کال، اسمارٹ میسجنگ کی سہولت بھی موجود ہیں۔

اس فون کی بیٹری روایتی فون کے مقابلے میں تین گنا زیادہ کام کرتی ہے۔ بچوں کیلئے ڈیزائن کردہ اس اسمارٹ فون میں والدین کیجانب سے لگائے جانے والے لاک اور پابندیوں کی سہولت بھی موجود ہے۔

کمپنی کا کہنا ہے کہ  " نووس" اسمارٹ فون   بچوں کو ورزش کی ترغیب دیتا ہے اور کسی بھی مدد کی صورت میں وہ صرف ایک بٹن دبا کر والدین کو مدد کے لیےبلا  سکتے ہیں۔

اس کے علاوہ یہ فون گھریلو پوڈ میں لگا کر اے آئی اسپیکر اور گوگل اسسٹنٹ کا کام بھی کرتا ہے۔اس کے علاوہ اس  فون کھول کر اس کی اسکرین نکال کر اور پٹہ باندھ کر اسے اسمارٹ واچ کے طور پر استعمال کیا جا سکتا ہے۔

یہ اسمارٹ فون  ہروقت بچے کی لوکیشن نوٹ کرتا رہتا ہے اور اگر بچہ کسی انجان یا غیر آگاہ   راستے پر چل پڑے تو اس کی اطلاع والدین کو بھی دیتا ہے۔

کمپنی کی جانب سے" نووس" اسمارٹ فون  کی قیمت صرف 199 ڈالر رکھی گئی ہے۔