ملک بھر میں ایک ہفتے کے دوران کورونا وائرس کے 49 کیس رپورٹ ہوئے، قومی ادارہ صحت

اسلام آباد: ملک بھر میں گزشتہ ایک ہفتے کے دوران کورونا وائرس کے49 کیس رپورٹ ہوئے جبکہ تشویش ناک حالت میں مریضوں کی تعداد 5رہی۔

منگل کوقومی ادارہ صحت(این آئی ایچ)کی جانب سے جاری اعدادوشمار کے مطابق ملک بھر میں گزشتہ ایک ہفتے (14 سے 20 جون) کے دوران کورونا وائرس کے 12 ہزار 232 ٹیسٹ کئے گئے جن میں سے 49 ٹیسٹ مثبت آئے اور مثبت کیسوں کی شرح 0.40 فیصد ریکارڈ کی گئی۔

اس عرصہ کے دوران کورونا وائرس سے ایک مریض جاں بحق ہوا جبکہ تشویش ناک حالت کے مریضوں کی تعداد 5 رہی ۔