پیٹرولیم لیوی50 روپے سے بڑھاکر60روپے فی لیٹر کرنے کا فیصلہ

قومی اسمبلی اجلاس میں اظہار خیال کرتے ہوئے وفاقی وزیرخزانہ اسحاق ڈار نے کہا کہ پیٹرولیم لیوی کی حد 60 روپے لیٹر سے نہیں بڑھائی جائے گی۔

پیٹرولیم کی عالمی قیمتوں میں کمی کا فائدہ عوام کو منتقل کیا جائے گا۔

دوسری جانب عالمی مارکیٹ میں خا م تیل کی قیمتیں 4 فیصد تک گر گئی ہیں ۔

رائٹرز کی رپورٹ کے مطابق گزشتہ روز برطانوی برینٹ کے سودے 3.9 فیصد کمی کیساتھ 74.14 ڈالر فی بیرل پر ہوئے ۔

امریکی ویسٹ ٹیکساس کے سودے 4.2  فیصد کمی کیساتھ 69.51 ڈالر فی بیرل پر ہوئے۔

واضح رہے کہ پاکستان میں روس سے سستے تیل کی پہلی کھیپ پہنچ چکی ہے اگر روس سے تیل کی آمد کا تسلسل جاری رہا تو مستقبل میں پاکستان میں پیٹرولیم مصنوعات کی قیمتوں میں بھی نمایاں کمی کا امکان ہے۔