ملک تمام شعبوں میں ترقی حاصل کرنے کیلئے اقدامات جاری ہیں:وزیرخزانہ

اسلام آباد: وزیر خزانہ محمد اسحاق ڈار نے کہا ہے کہ ملک کے ہر شعبے میں ترقی کا بلند معیار حاصل کرنے کیلئے تمام ممکنہ ضروری اقدامات کئے جا رہے ہیں۔

ایک نجی ٹیلی ویژن سے گفتگو کرتے ہوئے انہوں نے کہا کہ اخراجات کو کم سے کم کرنے کیلئے اور ملکی معاملات کو احسن طریقے سے چلانے کیلئے اقدامات کئے گئے ہیں۔وزیر خزانہ نے کہا کہ حکومت عالمی مالیاتی فنڈ کے ساتھ 9 واں جائزہ پروگرام مکمل کرتے ہوئے پیش رفت کر رہی ہے۔

روس سے تیل کی درآمد پر گفتگو کرتے ہوئے انہوں نے کہا کہ وزیر مملکت برائے پٹرولیم مصدق ملک کی طرف سے جلد ہی بڑے پیمانے پر تیل کو ذخیرہ کرنے کی پالیسی کا اعلان کیا جائے گا اور اِس حوالے سے قوم جلد ہی خوشخبری سنے گی۔