سی ٹی ڈی کی پنجاب میں کارروائی کالعدم تنظیم کے9مشتبہ دہشتگرد گرفتار

لاہور: پنجاب کے محکمہ انسدادِ دہشت گردی نے ایک کالعدم تنظیم سے منسلک ایک عورت سمیت نو مشتبہ دہشت گردوں کو گرفتار کیا ہے۔

یہ گرفتاریاں صوبے کے مختلف علاقوں میں کی گئی کارروائیوں کے دوران ہوئیں، محکمے کے ایک ترجمان کے مطابق گرفتار دہشت گردوں میں کالعدم تحریک طالبان پاکستان کے دو ارکان، لشکر جھنگوی کے دو ارکان اور داعش کے پانچ ارکان شامل تھے۔

انہوں نے کہا کہ یہ دہشت گرد پنجاب کے مختلف اضلاع میں خفیہ اطلاعات کی بنیاد پر ہونے والی 35 کارروائیوں کے دوران گرفتار کئے گئے۔