حج سیزن میں عازمین کی مدد کےلیے کوششیں قابل تعریف ہیں، سعودی ولی عہد

مکہ مکرمہ: سعودی ولی عہد شہزادہ محمد بن سلمان نے شاہ سلمان بن عبدالعزیز کی نیابت کرتے ہوئے بدھ کو منی پیلس میں شاہی شخصیات، مفتی اعظم، علما، شیوخ، جی سی سی کے اعلی حکام، وزرا اور سیکورٹی فورسز کے حکام کا خیر مقدم کیا ہے۔

عرب نیوز کے مطابق سعودی ولی عہد نے سعودی شہریوں، مقیم غیرملکیوں اور حجاج کو عید الاضحی کی مبارکباد دی اور حج سیزن میں عازمین کی مدد کےلیے عسکری اور سول تنظیموں کی کوششوں کی تعریف کی۔

اس موقع پر ولی عہد شہزادہ محمد بن سلمان نے کہا کہ ریاستی اداروں کی جانب سے کی جانے والی کوششیں عازمین کی خدمت، ان کے آرام کو یقننی بنانے اور ان کی سلامتی کو برقرار رکھنے کےلیے مسلسل کام پر فخر ہے۔