عید پر قربانی کرنا اور لوگوں سے عید ملنا مشکل بنادیا ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید نے کہا کہ اس عید پر قربانی کرنا اور لوگوں سے عید ملنا مشکل بنادیا گیا ہے۔

اپنے ٹویٹ میں شیخ رشید کا کہنا تھا کہ ساری قوم کو عید الاضحیٰ مبارک ہو۔ زندگی میں پہلی دفعہ قربانی کا جانور خریدنا ، قربانی دینا اور لیاقت باغ میں ہمیشہ کی طرح عید کی نماز پڑھنا ، لال حویلی میں سارا دن حلقہ احباب سے عید ملنا مشکل بنا دیا گیا ہے۔

حکمران خوشحال ہوگئےعوام بدحال ہوگئی قوم نےہمت نہیں ہارنی ہارتا وہی ہےجوہارمانتا ہےسدادن ایک جیسےنہیں رہتےفتح عوام کی ہوگی موت کےمنہ سےبھی کامیابی چھینیں گےجو پولیس کےعقوبت خانوں میں جیل کےزندانوں میں بخشی خانوں میں بےگناہ بندہیں اللہ انکی مددفرمائے انکےوالدین کوہمت وحوصلہ عطاکرے

— Sheikh Rashid Ahmed (@ShkhRasheed) June 29, 2023

سربراہ عوامی مسلم لیگ نے مزید کہا کہ بڑا وہی ہوتا ہے جس کا ظرف بڑا ہوتا ہے بعض چھوٹے لوگ بڑے گھروں میں آگئے ہیں انجام کو پہنچیں گے۔

شیخ رشید نے ٹوئٹ میں مزید لکھا کہ حکمران خوشحال ہوگئے ہیں اور عوام بدحال ، قوم نے ہمت نہیں ہارنی ہارتا وہی ہے جو ہار مانتا ہے۔ سب دن ایک جیسے نہیں رہتے۔فتح عوام کی ہوگی موت کے منہ سے بھی کامیابی چھینیں گے جو پولیس کےعقوبت خانوں میں جیل کے زندانوں میں بخشی خانوں میں بےگناہ بند ہیں اللہ انکی مدد فرمائے ان کے والدین کو ہمت و حوصلہ عطا کرے