اداکار شمعون عباسی کا حادثے میں دانت ٹوٹ گیا

کراچی: پاکستان فلم انڈسٹری کے اداکار، ہدایت کار اور اسکرین رائٹر شمعون عباسی کار حادثے کا شکار ہوگئے جس میں وہ زخمی ہوگئے۔

تفصیلات کے مطابق اداکار شمعون عباسی نے سوشل میڈیا پر اپنے حادثے کی اطلاع دی، سوشل میڈیا کا رخ کرتے ہوئے، اداکار نے ایک تصویر شیئر کی جس میں ان کا ٹوٹا ہوا دانت دیکھا جا سکتا ہے جس کا کیپشن انہوں نے لکھا: "ایک بڑا کار حادثہ چھوڑ دیا، لیکن خون بہا اور ایک دانت ضائع ہو گیا"۔

اداکار نے کیپشن میں مزید لکھا کہ پریشان ہونے کی کوئی بات نہیں، صرف دعاؤں کی ضرورت ہے، جس کے بعد ان کے ساتھی اداکاروں اور مداحوں کی جانب سے نیک خواہشات کا اظہار کیا گیا۔

واضح رہے کہ شمعون عباسی نے کئی مشہور ڈراموں میں اداکاری کی اور زیادہ تر ولن کا کردار ادا کرنا پسند کیا۔

چند ماہ قبل شمعون عباسی نے معروف ماڈل و اداکارہ شیری شاہ سے شادی کا اعتراف کیا تھا۔