ہالی وڈ فلم باربی کی دنیا بھر میں آمدنی 1 بلین ڈالر سے تجاوز کر گئی ہے

21 جولائی کو ریلیز ہونے والی ہالی وڈ فلم باربی کی دنیا بھر میں آمدنی 1 بلین ڈالر سے تجاوز کر گئی ہے۔

کمپنی نے ایک بیان میں مزید کہا کہ فلم کی آمدنی امریکہ اور کینیڈا میں 459 ملین ڈالرز رہی جبکہ بیرون ملک مزید 572.1 ملین ڈالرز کمانے کے بعد یہ مجموعی طور پر 1.0315 بلین ڈالرز پر پہنچ گئی ہے۔ میڈیا تجزیاتی فرم کوم سکور نے بھی آمدنی کی تصدیق کی۔

وارنر برادرز نے کہا کہ آسکر کے لیے نامزد "باربی" کی مصنفہ اور ہدایت کار گریٹا گروگ بھی اربوں ڈالر کی آمدنی کی حد عبور کرنے والی پہلی خاتون فلم ساز بن گئی ہیں۔ یہ "باربی" کا سینما گھروں میں تیسرا ویک اینڈ تھا۔ کوم اسکور نے کہا کہ فلم نے جمعہ، ہفتہ اور اتوار کو دنیا بھر میں 127 ملین ڈالر کی کمائی کی، جس میں مقامی طور پر 53 ملین ڈالر اور بیرون ملک مزید 74 ملین ڈالر شامل ہیں۔

باربی کے ٹکٹ کی فروخت اب اس سال دی سپر ماریو برادرز کے بعد دوسرے نمبر پر ہے، جس کا اپریل میں پریمیئر ہوا اور باکس آفس پر $1.357 بلین کمائے تھے۔