بھارت میں کورونا کی لہر، لتا منگیشکر نے 7 لاکھ روپے عطیہ کردیے

غیر ملکی خبر رساں ادارے کے مطابق  مہارشتڑا کے ڈائریکٹوریٹ جنرل انفارمیشن اینڈ پبلک ریلیشن نے سوشل میڈیا پر بتایا کہ سروں کی ملکہ  لتا منگیشکر نے چیف منسٹر ریلیف فنڈ کو 7 لاکھ بھارتی روپے فنڈ دیا ہے۔اس پر  وزیراعلیٰ مہاراشٹرا ادھو ٹھاکرے نے  گلوکارہ کا شکریہ بھی  اداکیا ۔

واضح رہے کہ  بھارت میں کورونا وائرس کی دوسری لہر کے دوران کیسز اور اموات میں اضافے دیکھنے میں آیا ہے اور آکسیجن کی کمی وجہ سے  بالی وڈ کی بہت سی  شخصیات مالی تعاون فراہم کر رہی ہیں۔

 اس سے قبل ایوشمان کھرانہ، سابق کرکٹر سچن ٹنڈولکر اور  اداکار اکشے کمار نے بھی  کورونا کے خلاف اقدامات کیلئے   ایک ایک کروڑ بھارتی روپے کی مالی امداد دے چکے ہیں  ۔