واٹس ایپ کا کارآمد اور دلچسپ فیچر متعارف

واٹس ایپ کے اس اپ ڈیٹ کے بعد چیٹس میں تصاویر اور ویڈیوز کا زیادہ بڑا ویو دیکھنا ممکن ہوسکے گا۔یہ فیچر صارفین کے لیے متعارف کرادیا گیا ہے اور آنے والے دنوں میں یہ ہر ایک کو دستیاب ہوگا۔

اس فیچر کا اعلان سماجی رابطے کی ایک ویب سائٹ ٹوئٹر پر ایک ٹویٹ میں کیا گیا ہے اور  صارفین کو سمجھانے کیلئے ایک ویڈیو بھی پوسٹ کی گئی ہے۔واٹس ایپ کمپنی  کے مطابق اس فیچر سے چیٹس میں بڑے فارمیٹ میں تصاویر اور ویڈیوز کو بھیجنا ممکن ہوجائے گا۔

Photos and videos in WhatsApp are now even bigger, so no one will be left out of the picture! That's the perfect reason to smile ? pic.twitter.com/2lzG5jLTKz

— WhatsApp (@WhatsApp) April 30, 2021

اس وقت واٹس ایپ میں بھیجی جانے والی تصاویر کو  مکمل دیکھنے کے لیے ان کو کلک کرکے اوپن کرنا پڑتا ہے۔لیکن اس اپ ڈیٹ کے بعد صارفین پوری تصویر چیٹ کے اندر ہی دیکھ سکیں گے اس پر کلک کرنے کی ضرورت نہیں ہوگی۔اسی طرح  نیا فیچر واٹس ایپ ویڈیوز کو بھی ایسے ہی دکھائے گا۔

اس نئے فیچر کو واٹس ایپ نے اپریل میں آئی او ایس ڈیوائس کیلئے متعارف کرایا تھا مگر اب یہ فیچر تمام صارفین کیلئے دستیاب ہے۔

واٹس ایپ نے ٹوئٹ میں کہا ہے کہ ایپ میں اب تصاویر اور ویڈیوز پہلے سے زیادہ بڑی ہوں گی، تو کوئی بھی اب نامکمل تصویر نہیں دیکھے سکے گا۔