عوام سیاست کے لئے نہیں اپنی بقاء کے لئے سڑکوں پر آ رہی ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ وہ وقت آگیا ہے کہ ہمیں معاشی اور غلامی کی بیڑیاں توڑنی پڑیں گی۔ سفید پوش معاشی طور پر زندہ مرگیا ہے۔

اپنے ٹویٹ میں پی ڈی ایم پر تنقید کرتے ہوئے شیخ رشید کا کہنا تھا کہ ریاست کو بچایا نہیں، ڈوبویا ہے کیونکہ عوام کا نام ہی ریاست ہےاور عوام سیاست کے لئے نہیں اپنی بقاء کے لئے سڑکوں پر آ رہی ہے۔ بجلی کا دگنا بل معاشی خودکشی ہونا ہے۔ اگلے مہینے دیکھیں پٹرول اور بجلی کیا رنگ دکھاتی ہے۔ 

انہوں نے کہا کہ صدر اور وزیر اعظم دونوں ٹویٹر پر آ گئے ہیں ملک اور غریب کو تباہی کی راہ پر ڈال کر اسحاق ڈار بھی لندن پہنچ گئے ہیں جہاں کا خمیر تھا وہیں پر سیاسی خاک پہنچ گئی ہے یہ سارے رشتے دار اپنی اصل پناہ گاہ پر پہنچ گئے ہیں لیکن وہاں بھی گھر سے باہر نکلنے کی پوزیشن میں نہیں۔

ریاست کو بچایا نہیں ریاست کو ڈوبویا ہے کیونکہ عوام کا نام ہی ریاست ہےاور عوام سیاست کے لئے نہیں اپنی بقاء کے لئے سڑکوں پر آئی ہےبجلی کا دگنا بل معاشی خودکشی ہونا ہے اگلے مہینے دیکھیں پٹرول اور بجلی کیا رنگ دکھاتی ہے وہ وقت آگیا ہے کہ ہمیں معاشی غلامی کی بیڑیاں توڑنی پڑیں گی سفید…

— Sheikh Rashid Ahmed (@ShkhRasheed) August 28, 2023

سربراہ عوامی مسلم لیگ نے کہا کہ عوام کے غیظ و غضب سے ڈر کے مسلم لیگ ن کے علاوہ پیپلز پارٹی اور دوسری جماعتیں  90دن کے الیکشن پرآ گئی ہے۔ مسلم لیگ ن سے اس کی اتحادی پارٹیاں بھی کنارہ کشی اختیار کریں گی ساری خرابی کا بوجھ اب ن لیگ کو ہی اٹھانا پڑے گا آہستہ آہستہ جے یو آئی، ایم کیو ایم اور پیپلزپارٹی اس معاشی تباہی کی ذمہ داری نہیں لے گی ۔

شیخ رشید کا کہنا تھا کہ نگران وزیر اعظم کے کمرے کا AC بند کرنے سے غریب کے بل پر کوٸی اثر نہیں پڑتا۔ جب 13جماعتوں نے بجلی کے بلوں اور پٹرول کا آئی ایم ایف سے معاہدہ کیا تھا، کیا اس وقت انکی آنکھیں بند تھی۔ پیپلز پارٹی نے سی سی آئی میں مردم شماری پر دستخط بھی کیے اور اب 90 دن کے الیکشن پر بھی سٹینڈ لے لیا ہےجو آئی ایم ایف کی ڈیل پر مٹھائیاں بانٹتے تھے اب لندن میں پناہ لیے بیٹھے ہیں

انہوں نے کہا کہ 85  وزیر رکھےاور آئی ایم ایف  کی شراٸط کو مان کر مٹھاٸیاں بانٹی گٸی اس مہنگاٸی اور بجلی کے بلوں پر نگران حکومت کا کوٸی کردار نہیں ہے سب کیا دھرا 16 ماہ کی 13 پارٹیوں کی حکومت کا ہے 180 روپے فی کلو آٹا اور 180 روپے فی کلو چینی اور دگنا بجلی کا بل عوام کہاں سے دیں گے