رابرٹو مانسینی سعودی عرب کی قومی فٹ بال ٹیم کے نئے کوچ مقرر

اٹلی کی فٹ بال ٹیم کے سابق کوچ رابرٹو مانسینی سعودی عرب کی قومی فٹ بال ٹیم کے نئے کوچ ہوں گے۔ رابرٹو مانسینی پیر کے روز ایک پریزنٹیشن تقریب میں شرکت کے لیے الریاض روانہ ہوں گے۔

غیر ملکی خبر رساں ایجنسی کے مطابق رابرٹو 2027 تک ڈھائی کروڑ یورو (27 ملین ڈالر) سالانہ کے معاہدے پر دستخط کریں گے اور 8 ستمبر کو کوسٹا ریکا کے خلاف میچ میں پہلی مرتبہ سعودی عرب کی قومی ٹیم کی رہ نمائی کریں گے۔

I am excited to announce that I am joining the Saudi Arabia Football Federation as Head Coach of the National Team. I am delighted and honored to have been selected for such prestigious role, as a sign of appreciation and recognition for all the work done during these years. pic.twitter.com/lW2pF0rVar

— Roberto Mancini (@robymancio) August 27, 2023

ناپولی کے سابق کوچ لوسیانو سپلیٹی نے مانسینی کی جگہ اٹلی کے قومی کوچ کا عہدہ سنبھال لیا ہے۔ مانسینی نے 13 اگست کو استعفیٰ دے دیا تھا جس سے ان کا اٹلی کی قومی ٹیم کی قیادت کا پانچ سالہ دور ختم ہو گیا تھا۔ان کی سرپرستی میں اطالوی ٹیم نے یورپی چیمپیئن شپ جیتی تھی لیکن وہ ورلڈ کپ کے لیے کوالیفائی کرنے سے محروم رہی تھی۔

فرانسیسی ہرو رینارڈ نے مارچ میں سعودی عرب کے کوچ کے عہدے سے مستعفی ہوگئے تھے۔ٹیم اگلے سال کے اوائل میں قطر میں ہونے والی براعظم چیمپیئن شپ میں اپنا چوتھا ایشیائی کپ ٹائٹل جیتنے کی کوشش کرے گی۔

واضح رہے کہ سعودی عرب اپنی ٹاپ فلائٹ فٹ بال لیگ میں بھاری سرمایہ کاری کر رہا ہے۔سعودی پبلک انویسٹمنٹ فنڈ (پی آئی ایف) نے حال ہی میں اسپورٹس کلبوں میں سرمایہ کاری اور ان کی نج کاری کے منصوبے کا اعلان کیا ہے۔ان میں لیگ چیمپیئنز الاتحاد، الاہلی، النصر اور الہلال کی نج کاری کا منصوبہ شامل ہے۔ان چاروں سعودی کلبوں میں حال ہی میں متعدد عالمی شہرت یافتہ فٹ بالروں کی بھاری معاوضے پر شمولیت اختیار کی ہے۔