پرویز الٰہی نے ایم پی او کے تحت گرفتاری کو غیرقانونی قرار دے دیا ،ہائی کورٹ میں چیلنج

 سابق وزیر اعلیٰ پنجاب چوہدری پرویز الٰہی نے مینٹیننس آف پبلک آرڈر (ایم پی او) کے تحت اپنی گرفتاری کو اسلام آباد ہائی کورٹ میں چیلنج کر دیا۔ پرویز الٰہی نے اپنے وکیل عبدالرزاق کے ذریعے درخواست دائر کی۔

درخواست میں استدلال کیا گیا ہے کہ 1 ستمبر کو لگایا گیا ایم پی او غیر قانونی ہے اور اسے کالعدم قرار دینے کی استدعا کی گئی ہے، جس کے نتیجے میں ان کی رہائی ممکن ہو گی۔

سابق وزیر اعلیٰ پنجاب کا یہ بھی دعویٰ ہے کہ انہیں سیاسی وجوہات کی بنا پر نشانہ بنایا جا رہا ہے۔

یاد رہے کہ چوہدری پرویز الٰہی کو لاہور میں گرفتار کیا گیا تھا اور بعد ازاں لاہور ہائی کورٹ سے رہائی کے بعد اسلام آباد پولیس نے انہیں کینال روڈ  سے تحویل میں لینے کے بعد اسلام آبا د پولیس اپے ساتھ لے گئی تھی۔