جماعت اسلا می کی بجلی بلوں کے خلاف ملک گیر ہڑتال ، مہنگی بجلی نامنظور کے نعرے

بجلی کے  بلوں کے خلاف جماعت اسلامی کی کال پر ملک گیر ہڑتال دیکھنے میں آئی، کراچی، حیدرآباد، لاہور، فیصل آباد اور ملتان میں بڑے بازار اور تجارتی مراکز بند رہے۔

یاد رہے کہ امیر جماعت اسلامی سراج الحق نے راولپنڈی میں جمیعت کے اجلاس سے خطاب کر تے ہوئے 2 ستمبر کو ملک گیر ہڑتال کی کال دی تھی جس کے باعث آج ملک میں جزوی اور مکمل ہڑتال کئی شہروں میں جاری ہے۔

لاہور، راولپنڈی، اسلام آباد، پشاور ، مانسہرہ ، جھنگ اور ملتان سمیت کئی شہروں میں جزوی اور مکمل  ہڑتال رہی۔ کراچی میں صدر، بولٹن مارکیٹ اور اس سے ملحقہ تمام تھوک بازار بند رہے، اس کے علاوہ بھی شہر کی چھوٹی بڑی تمام مارکیٹیں بند رہیں۔

مختلف شہروں میں وکلا نے بھی عدالتی کارروائیوں کا بائیکاٹ کیا، ہڑتال کے دوران مظاہرین نے مہنگی بجلی نا منظور کے نعرے لگادیے ، مظاہرین کا کہنا تھا کہ ظلم کے اس نطام کو کسی صورت بھی قبول نہیں کریں گے ۔

فیصل آباد میں بھی بجلی کے بھاری بلوں کے خلاف احتجاج کیا گیا، مظاہرین ہاتھوں میں بجلی کے بل اور گلے میں میٹر لٹکائے سڑک پر آ گئے۔