شہباز شریف کو ایئرپورٹ پر روکنا قابل مذمت ہے : مریم نواز

تفصیلات کے مطابق سماجی رابطوں کی ویب سائٹ ٹویئر پر مریم نوز کی جانب سے  پیغام جاری کیا گیا جس میں انہوں نے کہا کہ جعلی حکومت کا شہباز شریف کو ایئرپورٹ پر روکنا قابل مذمت ہے ۔شہباز شریف کو روک کرعدالتی حکم کی خلاف ورزی کی گئی۔یہ ظاہر کرتا ہے کہ سیلیکٹڈ شہباز شریف سے کتنے خوفزدہ ہیں۔

Highly condemnable how jaali government has brazenly violated court order by stopping @CMShehbaz at the airport today. Shows how scared selected is of him.

— Maryam Nawaz Sharif (@MaryamNSharif) May 8, 2021

یاد رہے گزشتہ روز لاہور ہائیکورٹ نے لیگی رہنما    شہبازشریف کو علاج کی غرض سے 8ہفتے کیلئے بیرون ملک جانے کی مشروط اجازت دی تھی ۔ عدالتی حکم کے باوجود مسلم لیگ ن کے صدر  شہباز شریف آج لندن روانہ نہ ہوسکے ،  ائیر پورٹ پر امیگریشن حکام کا شہباز شریف سے کہنا تھا کہ ہمارے سسٹم میں آپ ابھی تک بلیک لسٹ ہیں اور سسٹم میں کلیئرنس جاری نہیں ہوئی جس کے بعد نجی ایئر لائن نے شہباز شریف کو آف لوڈ کر دیا۔

ذرائع کے مطابق مسلم لیگ (ن) کے صدر اور اپوزیشن لیڈر شہبازشریف نے حکام سے کہا کہ لاہور ہائی کورٹ کا آرڈر ہے، ون ٹائم ٹریول کی اجازت دی ہے۔ لیگی رہنما  عطا تارڑ نے ایئرپورٹ حکام کو معاملے سے آگاہ کیا، عطا تارڑ نے حکام کو عدالتی حکمنامہ پڑھ کر بھی سنایا۔

شہباز شریف ایئرپورٹ سے واپس گھر کے لیے روانہ ہوگئے، جبکہ قطر جانے والی غیرملکی پرواز اپنی منزل کی طرف روانہ ہوگئی ۔

ذرائع کے مطابق شہبازشریف ایف آئی اے کی جانب سے روکے جانے پر جلد اپنا موقف دیں گے، شہبازشریف کا اس حوالے سے  شام کو پریس کانفرنس کرنے کا بھی امکان ہے جبکہ  نون لیگ شہباز شریف کی روانگی روکنے پر لاہور ہائیکورٹ سے دوبارہ رجوع کرے گی۔