پاکستان کے تجارتی خسارہ میں جاری مالی سال کے دوران کمی

مشرقی ایشیا کے ممالک کے ساتھ پاکستان کے تجارتی خسارہ میں جاری مالی سال کے دوران کمی ریکارڈ کی گئی ہے

اسٹیٹ بینک کی جانب سے جاری کردہ اعدادوشمارکے مطابق جاری مالی سال کے دوران مشرقی ایشیاء کے ممالک کوپاکستانی برآمدات میں سالانہ بنیادوں پر3.25 فیصد کا اضافہ جبکہ ان ممالک سے درآمدات میں 21.32 فیصدکی کمی ریکارڈکی گئی ہے۔

جاری مالی سال کے پہلے دوماہ میں چین ،جاپان، جنوبی کوریا اورمشرقی ایشیا کے دیگرممالک کو برآمدات سے ملک کو469.55 ملین ڈالر کا زرمبادلہ حاصل ہوا جو گزشتہ مالی سال کی اسی مدت کے مقابلہ میں 3.25 فیصدزیادہ ہےگزشتہ مالی سال کی اسی مدت میں مشرقی ایشیا کے ممالک کو برآمدات سے ملک کو454.76 ملین ڈالرکا زرمبادلہ حاصل ہواتھا۔

اگست میں مشرقی ایشیا کے ممالک کو پاکستانی برآمدات کاحجم 262.48 ملین ڈالر ریکارڈ کیا گیا جوجولائی میں 207.07 ملین ڈالراورگزشتہ سال اگست میں 233.67 ملین ڈالرتھا، مالی سال 2023 میں مشرقی ایشیا کے ممالک کوبرآمدات سے ملک کو2.740 ارب ڈالرکازرمبادلہ حاصل ہواتھا۔

اعدادوشمارکے مطابق جاری مالی سال کے پہلے دوماہ میں مشرقی ایشیا کے ممالک سے درآمدات میں سالانہ بنیادوں پر21.32 فیصدکی کمی ریکارڈکی گئی ہے۔مالی سال کے پہلے دوماہ میں مشرقی ایشیا کے ممالک سے درآمدات پر2.34 ارب ڈالرکازرمبادلہ صرف ہواجوگزشتہ مالی سال کی اسی مدت میں 2.84 ارب ڈالرتھا۔

اگست میں مشرقی ایشیا کے ممالک سے 1.123 ارب ڈالرکی درآمدات ریکارڈکی گئیں جو جولائی میں 1.220 ارب ڈالر اورگزشتہ سال اگست میں 1.486 ارب ڈالرتھیں، مالی سال 2023 میں مشرقی ایشیا کے ممالک سے درآمدات پر11.74 ارب ڈالرکازرمبادلہ صرف ہواتھا۔