نگران وفاقی کابینہ کا غزہ کی پٹی کا محاصرہ ختم کرنے کا مطالبہ

نگران وفاقی کابینہ نے غزہ میں اسرائیلی بمباری کے فوری خاتمے اور علاقے کا غیر قانونی محاصرہ ختم کرنے کا مطالبہ کیا ہے تاکہ متاثرین تک عالمی امداد پہنچ سکے۔

یہ گفتگو  وزیراطلاعات ونشریات مرتضیٰ سولنگی نے آج شام اسلام آباد میں وفاقی کابینہ کے فیصلوں کے بارے میں صحافیوں کو بریفنگ دیتے ہوئے کی گئی ۔

جس کا اجلاس آج وزیراعظم انوار الحق کاکڑ کی صدارت میں ہوا۔انہوں نے کہا کہ کابینہ نے بے گناہ اور نہتے فلسطینیوں کے خلاف اسرائیلی بمباری کی شدید مذمت کی۔کابینہ نے غزہ میں پانی اور غذاء کی قلت پر بھی شدید تشویش کا اظہار کیا۔

مرتضیٰ سولنگی نے کہا کہ وزیراعظم نے وفاقی وزراء کو یہ بھی ہدایت کی کہ صرف ضروری غیر ملکی دورے کریں۔انہوں نے کہا کہ کابینہ نے جسٹس ریٹائرڈ سہیل ناصر کو قومی احتساب بیورو کا ڈپٹی چیئرمین اور سیداحتشام قادر شاہ کو پراسیکیوٹر جنرل تعینات کرنے کی بھی منظوری دی۔انہوں نے کہا کہ اجلاس میں پی آئی اے کی نجکاری کیلئے مالیاتی مشاورتی کنسورشیم کی خدمات حاصل کرنے کا بھی فیصلہ کیا گیا۔