غزہ جنگ کے پھیلنے کا خطرہ ہے، ایران

ایران نے خبردار کیا ہے کہ اگر اسرائیل اور حماس کے درمیان مستقل جنگ بندی نہ ہوئی تو غزہ جنگ کے پھیلنے کا خطرہ ہے۔

فرانسیسی خبر رساں ادارے کے مطابق ایران کے وزیر خارجہ حسین امیر عبدالہیان نے گزشتہ روز انٹرویو کے دوران کہا کہ اگرمستقل بنیادوں پر جنگ بندی نہ ہوئی تو خطے کے حالات جنگ بندی سے پہلے جیسے نہیں رہیں گے ۔

انہوں نے کہا کہ ہم نہیں چاہتے کہ جنگ کا دائرہ وسیع ہو،اگر جنگ کی شدت میں اضافہ ہوتا ہے تو جنگ کے پھیل جانے کا امکان قابل فہم ہے۔