کورونا وبا، بھارت میں کورونا وائرس سے ایک روز میں 4ہزار سے زائد افراد ہلاک

غیر ملکی خبر رساں ادارے کے مطابق  بھارت میں کورونا وائرس کے مہلک وار جاری ہیں ، بھارت میں کورونا وائرس سے ایک روز میں 4ہزار سے زائد افراد ہلاک ہوگئے  ہیں جس کے بعد  مرنیوالوں کی مجموعی تعداد2لاکھ70ہزار سے بڑھ گئی۔

بھارت میں کورونا وائرس کے ایک روزمیں 3لاکھ 10ہزار سے زائد نئے کیس رپورٹ ہوگئے،مریضوں کی مجموعی تعداد 2کروڑ46لاکھ سے بڑھ گئی۔

غیرملکی خبر رساں ادارے کے مطابق  شمشان گھاٹوں میں جگہ نہیں،اترپردیش میں دریائے گنگا کے کنارے مردوں کو دفنایاجانے لگا، طوفانی ہواؤں سے ریت تلے دبی لاشیں مل گئیں،شہریوں میں خوف پھیل گیا۔

دوسری جانب نیپال میں بھی کورونا وائرس کی صورتحال بدترین صورتحال اختیار کرنے لگی،اسپتالوں میں بستر کم پڑنے لگ پڑے، آکسیجن  کی بھی قلت ہوگئی ہے، نیپال میں کورونا مریضوں کی مجموعی تعداد4لاکھ 47ہزار سے تجاوز کرگئی،مرنیوالوں کی مجموعی تعداد4ہزار856ہوگئی ہے۔