پنجاب میں ڈرائیونگ لائسنس بنا نے پر عائد پابندی ختم کرنے کا فیصلہ

تفصیلات کے مطابق  پنجاب بھر میں لائسنس جاری کرنے کا سلسلہ منگل سے شروع کر دیا جائے گا۔ کرونا کے بڑھتے واقعات کے بعد ڈی آئی جی ٹریفک نے اٹھائیس اپریل کو دو ماہ کے لیے ڈرائیونگ لائسنس بنانے پر پابندی عائد کی تھی۔

خیا ل رہے کہ  ڈی آئی جی ٹریفک ہیڈ کواٹر پنجاب عمران محمود نے تمام ٹریفک پولیس کے سربراہان کو مراسلہ جاری کیا تھا۔ نوٹیفکیشن کے مطابق لاہور سمیت پنجاب بھر میں ڈرائیونگ لائسنس دو ماہ کے لئے معطل کرنے کے احکامات جاری کئے گئے تھے۔ کورونا کی تیسری لہر میں تشویشناک اضافے کے پیش نظر ڈرائیونگ سینٹرز اور لائسنسگ سینٹرز بھی بند کردیے گئے تھے۔