آئرلینڈ،ڈبلن فسادات کے بعد 34 مشتعل افراد گرفتار

ڈبلن: آئرلینڈ کے دارالحکومت ڈبلن میں فسادات کے بعد 34مشتعل افراد کو گرفتارکرلیا گیا ہے۔

چینی خبررساں ادارے کےمطابق آئرلینڈ کے پولیس چیف ڈریو ہیرس نے میڈیا کو بتایا کہ ایک پرائمری سکول کے باہر چاقو سے تین کمسن بچوں کے زخمی ہونے کے بعد پرتشدد مظاہرے اور پولیس کے ساتھ جھڑپوں کے دوران 34مشتعل افراد کو گرفتار کر لیا گیا ہے۔

انہوں نے کہا کہ فسادیوں نے پولیس کے ساتھ جھڑپوں کے دوران پولیس کی گاڑیوں اور دکانوں کو نقصان پہنچانے کے علاوہ متعدد پولیس اہلکاروں کو زخمی کردیا ہے۔

آئرلینڈ کے وزیراعظم لیو وراڈکر نے کہا کہ فسادات کے تناظر میں نفرت پر مبنی جرائم کے لیے قانون سازی آئرلینڈ کی پارلیمنٹ کے سامنے لائی جائے گی۔