وزیراعظم کا بیگم نسیم ولی کی وفات پر اظہار تعزیت

تفصیلات کے مطابق  وزیراعظم عمران خان  نے سماجی رابطے کی ویب سائٹ ٹوئٹر پر پیغام میں  بیگم نسیم ولی خان کی وفات پر انکے اہل خانہ سے اظہار تعزیت کرتے ہوئے ان کے انتقال پر دکھ کا اظہار کیا۔وزیراعظم نے کہاکہ بیگم نسیم ولی کی پاکستان میں جمہوریت کے لیے خدمات ہمیشہ یاد رکھی جائیں گی۔

My condolences & prayers go to the family of Begum Nasim Wali. She will be remembered for her struggle for democracy in Pakistan.

— Imran Khan (@ImranKhanPTI) May 17, 2021

گزشتہ روز عوامی نیشنل پارٹی کی سینئر رہنما بیگم نسیم ولی  چارسدہ میں88 برس کی عمر میں  انتقال کرگئیں تھیں ۔ وہ طویل عرصے سے عارضہ قلب اور ذیا بیطس کے مرض میں مبتلا تھیں۔ بیگم نسیم ولی عوامی نیشنل پارٹی کے بانی باچہ خان کی بہو، عبدالولی خان کی اہلیہ اور اے این پی کے صدر اسفندیار ولی خان کی والدہ تھیں۔ انہوں  نے 1975ء میں پاکستان کی سیاست میں قدم رکھا۔وہ ایک بار قومی اسمبلی اور تین بار صوبائی اسمبلی کی رکن بنیں ۔ بیگم نسیم ولی خان صوبے کی پہلی خاتون ہیں جو جنرل نشست پر منتخب ہوئیں۔ ہ چار مرتبہ عوامی نیشنل پارٹی کی صوبائی پارلیمانی لیڈر بھی رہی ہیں۔بیگم نسیم ولی خان 1990ء اور 1997ء کے دوران صوبائی اسمبلی میں قائد حزب اختلاف بھی رہیں۔