دنیا
سعودی وزیر دفاع سےایرانی افواج کے چیف آف سٹاف کا ٹیلی فونک رابطہ
عسکری اور دفاعی شعبے میں ایران اور سعودی عرب کے دو طرفہ تعلقات کا جائزہ لیا
![سعودی وزیر دفاع سےایرانی افواج کے چیف آف سٹاف کا ٹیلی فونک رابطہ](/media/87812/conversions/Saudi-Defense-Minister-Prince-Khalid-bin-Salman-1280x720.jpg)
ریاض: سعودی وزیر دفاع شہزادہ خالد بن سلمان سےایرانی افواج کے چیف آف سٹاف میجر جنرل محمد باقری نے ٹیلیفون پر رابطہ کیا۔
سعودی خبررساں ادارے ایس پی اے کے مطابق انہوں نے عسکری اور دفاعی شعبے میں ایران اور سعودی عرب کے دو طرفہ تعلقات کا جائزہ لیا اور باہمی دلچسپی کے متعدد موضوعات پر تبادلہ خیال کیا۔ سعودی وزیر دفاع شہزادہ خالد بن سلمان سے گزشتہ روز ایرانی افواج کے چیف آف سٹاف میجر جنرل محمد باقری نے ٹیلیفون پر رابطہ کیا ہے۔
دوسری جانب سعودی وزیر دفاع سے یمن کے لیے اقوام متحدہ کے خصوصی ایلچی کی ملاقات کے دوران یمنی فریقوں کے درمیان روڈ میپ اور امن عمل میں مدد کے حوالے سے سعودی کوششوں کا جائزہ لیا۔ یہ ملاقات اقوام متحدہ کی سرپرستی میں یمنی بحران ختم کرانے کے لیے جامع سیاسی حل تک رسائی کی کوششوں کا حصہ ہے۔
علاقائی
خوفناک حادثہ: 12 سالہ بچہ موٹر سائیکل حادثے میں جاں بحق
گزشتہ رات تیز رفتار موٹر سائیکل سوار 12 سالہ بچہ ایک بڑے ٹرک سے ٹکرا گیا
![خوفناک حادثہ: 12 سالہ بچہ موٹر سائیکل حادثے میں جاں بحق](/media/116750/conversions/accident-1280x720.jpg)
لاہور : لاہور کے علاقے ضلع کچہری میں ایک دل دہلا دینے والے ٹریفک حادثے میں 12 سالہ معصوم بچہ اپنی زندگی کی بازی ہار گیا۔
تفصیلات کے مطابق یہ بھیانک حادثہ رات کے وقت پیش آیا جب تیز رفتار موٹر سائیکل سوار 12 سالہ بچہ ایک بڑے ٹرک سے ٹکرا گیا۔
موٹر سائیکل سوار بچہ ٹرک کے نیچے آ گیا اور اس کی لاش کے ٹکڑے ہو گئے۔ واقعہ کی اطلاع ملتے ہی ریسکیو اہلکار فوری طور پر موقع پر پہنچے اور لاش کو میو ہسپتال منتقل کیا۔
پولیس کے مطابق ابتدائی تحقیقات سے معلوم ہوا ہے کہ حادثے کی اصل وجہ تیز رفتار موٹر سائیکل تھی۔ پولیس نے لاش کو قبضے میں لے کر قانونی کارروائی شروع کر دی ہے اور حادثے کی مزید تفتیش جاری ہے۔
موسم
کراچی : ایئرپورٹ حکام کی طیاروں کومحفوظ مقامات پر پارکنگ کی ہدایت
ہدایات میں گراؤنڈ ہینڈلنگ، ائیرپورٹ پر کام کرنے والی ائیر لائنز اور جنرل ایویشن ایریا کی جانب سے ایویشن کمپنیوں کو چوکس رہنے کی ہدایات دی گئی ہیں
![کراچی : ایئرپورٹ حکام کی طیاروں کومحفوظ مقامات پر پارکنگ کی ہدایت](/media/116733/conversions/جناح-ایئرپورٹ-635x380-1280x720.jpg)
کراچی : شہر قائد میں ہونے والی طوفانی بارشوں کے باعث ایئرپورٹ حکام نے نئی ہدایات جاری کر دی ہیں۔
بارشوں کے باعث صورتحال سے نمٹنے کے لیے حکمت عملی کے تحت ایئرپورٹ حکام نے ٹاسک فورس تشکیل دیتے ہوئے ہدایات جاری کر دی ہیں۔
ہدایات میں گراؤنڈ ہینڈلنگ، ائیرپورٹ پر کام کرنے والی ائیر لائنز اور جنرل ایویشن ایریا کی جانب سے ایویشن کمپنیوں کو چوکس رہنے کی ہدایات دی گئی ہیں۔
ایئرپورٹ حکام نے طیاروں کی محفوظ مقامات پر پارکنگ کی ہدایت کی گئی ہے جبکہ ایویشن کمپنیاں اپنے تمام اثاثہ جات کی حفاظت کا مناسب بندوبست کریں
ایئرپورٹ حکام کے مطابق ایئرپورٹ پر پارک تمام طیاروں کو کسی بھی حادثے سے محفوظ رکھنے کی ذمہ داری مینیجر ایئرسائیڈ ایریا پر ہو گی۔
کھیل
راولپنڈی ٹیسٹ: پاکستان کی تباہ کن بولنگ نے بنگلہ دیشی ٹیم کو مشکلات میں ڈال دیا
تیسرے دن کا آغاز خرم شہزاد کی تباہ کن بولنگ سے بنگلہ دیشی کھلاڑی رن آؤٹ
![راولپنڈی ٹیسٹ: پاکستان کی تباہ کن بولنگ نے بنگلہ دیشی ٹیم کو مشکلات میں ڈال دیا](/media/116754/conversions/KhurramShahzad-1280x720.jpg)
راولپنڈی:راولپنڈی کرکٹ اسٹیڈیم میں جاری دوسرے ٹیسٹ میچ میں پاکستان نے بنگلادیش کو کمزور پوزیشن میں ڈال دیا ہے۔
تیسرے دن کا آغاز بنگلادیشی ٹیم نے پہلی اننگز میں بغیر کسی نقصان کے 10 رنز سے کیا، لیکن دن کے آغاز پر ہی خرم شہزاد نے ذاکر حسین کو ایک رن پر آؤٹ کیا جن کا کیچ اسپنر ابرار احمد نے کیا۔پھر خرم نے اوپنر شادمان اسلام اور نجم الحسین شنتو کو بالترتیب دس اور چار رنز پر پویلین لوٹایا۔
پاکستان کو چوتھی کامیابی میر حمزہ نے مومن الحق کو ایک رن پر آؤٹ کرکے دلوائی۔ اس وقت بنگال ٹیم کے 36 رنز پر چھ کھلاڑی آؤٹ ہیں۔
واضح رہے کہ بنگلادیش نے ٹاس جیت کر پہلے فیلڈنگ کا فیصلہ کیا تھا لیکن پاکستانی بلے بازوں نے شاندار بیٹنگ کا مظاہرہ کرتے ہوئے ٹیم کو مضبوط پوزیشن میں پہنچا دیا۔ مڈل آرڈر بیٹر سعود شکیل نے 16، بابراعظم نے 31، وکٹ کیپر محمد رضوان نے 29 اور آغا سلمان نے 54 رنز اسکور کیے۔
بنگلادیش کی جانب سے مہدی حسن میراز نے 5 وکٹ لیے لیکن ان کی یہ کاوش اپنی ٹیم کو بچانے کے لیے کافی ثابت نہ ہو سکی۔
پاکستان نے اس میچ میں واضح برتری حاصل کر لی ہے۔ بنگلادیش کو اب دوسری اننگز میں بہت اچھی کارکردگی کا مظاہرہ کرنا ہوگا تاکہ میچ میں واپسی کر سکے۔ پاکستانی بولرز نے بنگلادیش کے بلے بازوں کو مسلسل دباؤ میں رکھا ۔
اب پاکستان دوسری اننگز میں بڑی برتری حاصل کرنے کی کوشش کرے گا۔ اگر وہ بڑی پہلی اننگز کی برتری حاصل کرنے میں کامیاب ہو جاتے ہیں تو بنگلادیش کے لیے میچ جیتنا بہت مشکل ہو جائے گا۔
-
پاکستان 2 دن پہلے
اڈیالہ جیل میں سپریٹنڈٹ سمیت تین نئے جیل افسران تعینات
-
موسم 2 دن پہلے
سندھ کی ساحلی پٹی پرسائیکلون کا خدشہ
-
تجارت 2 دن پہلے
پاکستان میں سونے کی قیمت میں نمایاں کمی
-
پاکستان ایک دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب
-
پاکستان 16 گھنٹے پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
تجارت 22 گھنٹے پہلے
ملک بھر میں سونے کی قیمتوں میں اضافہ
-
دنیا 2 دن پہلے
یوکرینی ایف-16 لڑاکا طیارہ گر کر تباہ، پائلٹ ہلاک
-
پاکستان 15 گھنٹے پہلے
ماہر معاشیات ڈاکٹر قیصر بنگالی مستعفی ہو گئے