لاہور :تیز دھار آلے سے نوجوان قتل

جی این این  کے مطابق  مناواں کے علاقے میں  نوجوان کو تیز دھار آلے سے سر پر وار کر کے قتل کیا گیا ہے۔ واقعے کی اطلاع ملتے ہی پولیس موقع پر پہنچ گئی ، پولیس کے مطابق نوجوان کی لاش    ماڑی گاؤں  برکی  روڈ  کے قریب پلاٹ میں سے  بر آمد ہوئی ہے۔ پولیس کا کہناہے کہ  مقتول کے سر کے پچھلے حصے پر تیز دھار آلے کے زخم موجود ہیں۔

پولیس کی جانب سے تحقیقات جاری ہیں ، تاہم نوجوان کی شناخت نہیں ہوسکی ہے ، مقتول کی عمر لگ بھگ  30سال  ہے ۔ شناخت نہ ہونے کی وجہ سے پولیس نے لاش مردہ خانے جمع کروا دی ہے۔ شناخت  کے بعد نوجوان کی   لاش کو  ورثا کے حوالے کر دیا جائے گا۔