لیہ میں خوفناک ٹریفک حادثہ ،ایک شخص جاں بحق

 ریسکیو ذرائع کے مطابق    لیہ  میں  تیز رفتار کار  موٹر سائیکل سے ٹکرا گئی  ،جس کے نتیجے میں ایک شخص موقع پر دم توڑ گیا جبکہ دوسرا شدید زخمی ہے ۔حادثے کی اطلاع ملتے ہی ریسکیو ٹیم  نے موقع پر پہنچ کر لاش کو تحصیل ہسپتال اور زخمی کو نشتر ہسپتال ملتان  منتقل کر دیا۔ زخمی شخص کی حالت تشویش ناک  بتائی جا رہی ہے۔جاں بحق ہونے والے شخص کی شناخت  ہمایوں جبکہ  زخمی کانام  علی  ہے اور دونوں کا تعلق  چک نمبر488ٹی ڈی اے  سے ہے ۔ پولیس نے کارروائی کرتے  ہوئے کار ڈرائیور  کو گرفتار کر لیا ہےجبکہ تحقیقات جاری ہیں۔