سابق کرکٹر یاسر عرفات قومی ٹیم کے ہائی پرفارمنس کوچ مقرر

پاکستان کرکٹ بورڈ نے سابق کرکٹر یاسر عرفات کو ہائی پرفارمنس کوچ مقرر کردیا۔ پی سی بی کی جانب سے جاری اعلامیے میں یاسر عرفات کی تقرری کا اعلان کیا گیا ہے۔

پی سی بی کے مطابق یاسر عرفات کو پاکستان کرکٹ ٹیم کا ہائی پرفارمنس کوچ مقرر کیا گیا ہے۔ پی سی بی کا کہنا ہےکہ یاسر عرفات نیوزی لینڈ کے خلاف ٹی ٹوئنٹی سیریز میں ٹیم مینجمنٹ کا حصہ ہوں گے، وہ 29 دسمبر سے لاہور کے کیمپ میں بطورکیمپ کمانڈنٹ خدمات انجام دیں گے۔

Yasir Arafat appointed High-Performance Coach

Read more ⤵️ https://t.co/GQdlGQe9om

— PCB Media (@TheRealPCBMedia) December 26, 2023

پی سی بی کے مطابق یاسر عرفات لاہور میں 28 دسمبر سے شروع ہونے والے ٹریننگ کیمپ کے کمانڈنٹ ہوں گے۔ کیمپ ختم ہونے پر یاسر عرفات ٹی ٹونٹی اسکواڈ میں شامل کھلاڑیوں کے ساتھ 3 جنوری کو نیوزی لینڈ روانہ ہوں گے۔