ریاست دہشت گردوں کے خلاف پورے قد سے کھڑی ہے ، انوارلحق کاکڑ

نگران وزیراعظم انوار الحق کاکڑ نے کہا ہے کہ ریاست ان شہدا کے سوگوار خاندانوں کو کبھی فراموش نہیں کرے گی جنہوں نے قوم کے روشن مستقبل کیلئے اپنی جانیں قربان کردیں۔

انہوں نے آج(بدھ) کو اسلام آباد میں وفاقی کابینہ کے اجلاس کی صدارت کرتے ہوئے کہا کہ دہشتگر د پاکستان کے چوبیس کروڑ عوام کے عزم اور حوصلے کو شکست نہیں دے سکتے۔

وزیر اعظم نے ملک سے پولیو وائرس کے مکمل خاتمے تک انسداد پولیو مشن موثر انداز میں جاری رکھنے کے عزم کا اظہارکیا۔

کابینہ نے باجوڑ دھماکے کے شہدا کو شاندار خراج عقیدت پیش کرتے ہوئے پولیس کے جوانوں پر حملے کی شدید مذمت کی جو پولیو ٹیم کے تحفظ پر تعینات تھے انہوں نے شہدا کے ایصال ثواب کے لئے فاتحہ بھی پڑھی۔

وفاقی کابینہ نے فیڈرل پبلک سروس کمیشن کی سفارش پر اسلام آباد کے سکولوں میں یومیہ اجرت پر کام کرنے والے دوسوستائیس اساتذہ کو مستقل کرنے کی بھی منظوری دی ۔

اس کے علاوہ کابینہ نے جبری لاپتہ افراد کے بارے میں وفاقی کابینہ کی کمیٹی کی تشکیل نو کی منظوری دی ، نگران وزیرداخلہ سرفراز احمد بگٹی کے استعفے کے تناظر میں کمیٹی کی تشکیل نو کی جارہی ہے ۔