انتخابات میں تاخیرحکومت کے اختیارمیں نہیں ، مرتضٰی سولنگی

اسلام آباد : اطلاعات کے نگران وزیر مرتضیٰ سولنگی نے کہا ہے کہ الیکشن کمیشن نے  8 فروری  کو عام انتخابات کرانے کا عزم کر رکھا ہے، انہوں نے کہا کہ عام انتخابات اپنے وقت پر ہی ہوں گے ۔ 

انہوں نے کہا کہ حکومت ہر حوالے سے الیکشن کمیشن کی معاونت کر رہی رہے اور انتخابات ہونے تک الیکشن کمیشن کے ساتھ کھڑے رہیں گے ۔ 

X ہینڈل پر ایک پوسٹ میں انہوں نے کہا کہ مرکز اور صوبوں کی نگران حکومتیں الیکشن کمیشن کی سکیورٹی کیلئے اپنی انتظامی اور مالیاتی ذمہ داریاں پوری کریں گی۔

الیکشن کمیشن آف پاکستان، جمعرات آٹھ فروری 2024 کو انتخابات کے اپنے وعدے اور عزم پر قائم ہے اور وفاقی اور صوبائی نگران حکومتیں اس ذمہ داری کو نبھانے میں الیکشن کمیشن کی ہر طرح کی انتظامی، مالی اور سلامتی کی ضروریات پوری کرے گی۔ pic.twitter.com/9fhdpztrGi

— Murtaza Solangi (@murtazasolangi) January 15, 2024

وزیر اطلاعات نے اپنے X ہینڈل پر الیکشن کمیشن کا ایک خط بھی جاری کیا ہے جس میں کہا گیا ہے کہ الیکشن کمیشن نے عام انتخابات منعقد کرانے کیلئے تمام انتظامات کر لئے ہیں۔