اب تک تقریباً4 لاکھ 68 ہزار افغانی اپنے ملک جا چکے

افغان شہریوں سمیت غیر قانونی طور پر مقیم غیر ملکیوں کی اُن کے ملکوں کو باوقار اور محفوظ انداز میں واپسی کا سلسلہ جاری ہے۔

تازہ ترین اعدادو شمار کے مطابق گزشتہ روز مزید 837 افغان باشندے اپنے ملک واپس چلے گئے۔اب تک تقریباً4 لاکھ 68 ہزار  غیر قانونی افغان باشندے افغانستان واپس جا چکے ہیں۔

یاد رہے کہ 26 ستمبر 2023 کو پاکستان کی وزارت داخلہ نےخبر دار کیا تھا کہ ملک پاکستان  میں غیرقانونی طور پر مقیم غیرملکیوں کو1 نومبر تک ملک چھوڑنا ہو گا، بصورت دیگر انہیں ملک بدر کر دیا جائے گا۔ حکومت پاکستان  کے مطابق اس فیصلے کا مقصد پاکستان میں غیرملکیوں کی موجودگی کو قانونی دائرے میں لانا ہے۔ اس مقصد کے لیے چاروں صوبوں میں 'ملک بدری کے مراکز' بھی قائم کر دیے گئے ہیں۔