میسی نے تیسری بار فیفا پلیئر آف دی ایئر کا ایوارڈ جیتا

لندن: قطر میں 2022 فٹبال ورلڈ کپ کی ٹرافی اٹھانے کے بعد ارجنٹائن کے اسٹار فٹبالر لیونل میسی نے ایک اور اعزاز اپنے نام کرلیا۔

لیونل میسی نے 2023 کا فیفا پلیئر آف دی ایئر کا ایوارڈ جیت لیا، یہ ریکارڈ تیسری بار ہے۔

پیر کو لندن میں فیفا ایوارڈز کی تقریب منعقد ہوئی جس میں سال 2023 کے بہترین کھلاڑیوں کو ایوارڈز سے نوازا گیا۔

مینز فٹبالر آف دی ایئر کیٹیگری میں فرانس کے ایمباپے، ناروے کے ایرلنگ ہالینڈ اور لیونل میسی کے درمیان سخت مقابلہ ہوا۔ تاہم میسی نے اپنے حریفوں کو ہرا کر سال کے بہترین فٹبالر کا ایوارڈ جیتا۔

میسی نے اس سال ایوارڈ تقریب میں شرکت نہیں کی، واضح رہے کہ اس سے قبل میسی 2019 اور 2022 میں بھی مینز فیفا پلیئر آف دی ایئر کا ایوارڈ جیت چکے ہیں۔