صوبہ سندھ ، اسلحہ کی نمائش اور ساتھ لیکر چلنے پر پابندی عائد کردی

کراچی: سندھ حکومت نے صوبہ بھر میں اسلحہ کی نمائش اور ساتھ لیکر چلنے پر پابندی عائد کردی ۔

محکمہ داخلہ سندھ نے دفعہ 144 کے تحت اسلحے کی نمائش پر 45 روز کے لیے پابندی کا نوٹیفکیشن جاری کر دیا۔

نوٹیفکیشن کے مطابق عام انتخابات میں سکیورٹی انتظامات کے موقع پر اسلحہ لیکر چلنے پر بھی پابندی عائد ہوگی۔ تاہم،  رجسٹرڈ سکیورٹی کمپنیز کے گارڈز ڈیوٹی اوقات میں اسلحہ لیکر چل سکتے ہیں۔

نگران حکومت سندھ کی جانب سے جاری کردہ نوٹیفیکیشن کے مطابق  دوران سفر گاڑی میں اسلحہ لہرانے پر بھی پابندی عائد ہوگی، خلاف ورزی کی صورت میں قانون کے مطابق کارروائی عمل میں لائی جائیگی۔