پی سی بی کا کھلاڑیوں کو لیگز کھیلنے کیلئے این او سی جاری کرنے کا فیصلہ

پاکستان کرکٹ بورڈ نے قومی سکواڈ میں شامل چار کھلاڑیوں کو لیگز کھیلنے کیلئے این او سی جاری کرنے کا فیصلہ کر لیا، تاہم فخر زمان اور اعظم خان کو تاحال اجازت نہیں دی گئی۔

کرکٹ بورڈ نے شاہین شاہ آفریدی ، بابراعظم ، محمد رضوان اور وسیم جونیئر کو لیگز کھیلنے کی اجازت دینے کافیصلہ کیا ہے، باضابطہ اعلان کے بعد چاروں کرکٹرز نیوزی لینڈ  سیریز کے بعد لیگز کے لیے روانہ ہو جائیں گے۔

 ٹی ٹونٹی کپتان شاہین آفریدی کا آئی ایل ٹی ٹونٹی کے ساتھ معاہدہ ہے،بابر اعظم محمد رضوان اور وسیم جونئیر کے بی پی ایل میں معاہدے ہیں  جبکہ فخر زمان اور اعظم خان کو لیگز کے لیے تاحال اجازت نہیں ملی ۔

اعظم خان اور فخر زمان دو لیگز مکمل کر چکے ہیں ، سنٹرل کنٹریکٹ کے مطابق کرکٹرز سال میں  دو لیگز کھیل سکتے ہیں ، کرکٹرز کو لیگز کے لیے اجازت کیس ٹو کیس بنیاد پر دی جا رہی ہے ، سنٹرل کنٹریکٹ میں شامل کرکٹرز کو معاہدے کی شقوں کے  مطابق اجازت دی جا رہی ہے ۔