امریکا کی پاکستان میں ایرانی فضائی حملے کی مذمت

امریکہ نے ایرانی فضائی حملے  اور پاکستان کی خود مختاری کی خلا ف ورزی کی مذمت کی ہے۔

ایرانی سکیورٹی فورسز کی جانب سے پاکستان کے صوبے بلوچستان میں جیش العدل نامی تنظیم کے دو ٹھکانوں پر میزائل اور ڈرون حملے کیے گئے۔

 امریکی محکمہ خارجہ کے ترجمان میتھیو ملر نے واشنگٹن میں صحافیوں کو بریفنگ کے دوران ایک سوال کے جواب میں کہا کہ ہم خصوصاً اس خطے میں امن اور استحکام قائم رکھنے کے خواہشمند ہیں۔

انہوں نے ایران کی جانب سے پاکستان کی سالمیت پر حملے کے جواب میں پاکستان کے رد عمل کو حق بجانب قرار دیتے ہوئے کہا  ہم پر امید ہیں کہ یہ مسئلہ پر امن طریقے سے حل ہوجائے گا۔