محسن نقوی کوچیئرمین پی سی بی مینجمنٹ کمیٹی بنانے کا فیصلہ

نگران وزیراعلیٰ پنجاب محسن نقوی کو پی سی بی مینجمنٹ کمیٹی کا سربراہ نامزد کرنے کا فیصلہ کر لیا گیا۔

نگران وزیراعظم انوار نے ذکاء اشرف کا پی سی بی مینجمنٹ کمیٹی کے عہدے سے استعفیٰ منظور کر لیا، انوار الحق کاکڑ نے محسن نقوی کو چیئرمین پی سی بی مینجمنٹ کمیٹی نامزد کرنے کا فیصلہ کیا ہے۔

یاد رہے کہ محسن نقوی اس وقت نگران وزیراعلیٰ پنجاب ہیں اور وہ چیئرمین پی سی بی کے فرائض بھی سرانجام دیتے رہے گے۔ نگران وزیر اعظم کی جانب سےمحسن نقوی کا نام گورننگ بورڈ کےلئے بھی نامزد کیا جائے گا۔

واضح رہے کہ 19 جنوری کو پاکستان کرکٹ بورڈ (پی سی بی) چیئرمین مینجمنٹ کمیٹی کے سربراہ ذکاء اشرف نے عہدے سے استعفیٰ دے دیا تھا۔