عالمی مارکیٹ میں پیٹرول کی قیمتوں میں مزید کمی

عالمی مارکیٹ میں پٹرولیم مصنوعات کی قیمتیں مزید کم ہوگئیں ہیں ۔

عالمی میڈیا کے مطابق آج عالمی منڈی میں برینٹ کروڈ کی قیمت 24 سینٹس کمی کے بعد 89.89 ڈالر فی بیرل جبکہ امریکی خام تیل کے سودے 17 سینٹس کمی کے بعد 85.22 ڈالر فی بیرل کئے گئے۔

یاد  رہے کہ رواں سال کے آغاز میں تیل کی قیمتوں میں تقریبا 11 فیصد کی کمی ہوئی تھی، جس کے باعث  برینٹ خام تیل 84 ڈالر 7 سینٹ جبکہ ویسٹ ٹیکساس خام تیل 82 ڈالر 31 سینٹ پر آگیا تھا تاہم مشرق وسطیٰ اسرائیل فلسطین  کشیدگی  کے باعث چند دنوں  کےلیے قیمتوں میں دوبارہ اضافہ ریکارڈ کیا گیا ہے ۔

میڈیا ذرائع  کے مطابق روپے کی قدر میں غیرمعمولی بہتری اور عالمی مارکیٹ میں  پیٹرولیم مصنوعات کی قیمتوں میں کمی کے بعد مقامی سطح پر بھی پیٹرولیم مصنوعات کمی متوقع ہے ۔

 ماہرین کا کہنا ہے کہ مقامی سطح پر پیٹرولیم مصنوعات کی قیمتوں کے تعین میں مختلف عناصر اثرانداز ہوتے ہیں اسلیے قیمتوں سے متعلق کچھ کہنا قبل ازوقت ہے۔