توشہ خانہ اور 190 ملین پاؤنڈ کیس، بانی چیئرمین کا ضمانت کیلئے عدالت سے رجوع

توشہ خانہ اور190 ملین پاؤنڈ کیس میں بانی چیئرمین پی ٹی آئی عمران خان نے ضمانت کے لیے اسلام آباد ہائیکورٹ سے رجوع کرلیا۔

بانی پی ٹی آئی کی جانب سے عدالت میں توشہ خانہ اور190 ملین پاؤنڈ کیس میں ضمانت کی الگ الگ درخواستیں دائرکی گئی ہیں۔

دائردرخواست میں استدعا کی گئی ہے کہ احتساب عدالت کا فیصلہ کالعدم قراردیا جائے اور کیس کے حتمی فیصلے تک ضمانت منظور کی جائے۔

واضع رہے کہ احتساب عدالت نے دونوں کیسوں میں بانی چیئرمین پی ٹی آئی کی ضمانت بعد ازگرفتاری مسترد کردی تھی۔

درخواست میں چیئرمین نیب، ڈی جی نیب اور تفتیشی افسران کو فریق بنایا گیا ہے۔