دھند کے باعث متعدد موٹرویز بند

موٹروے ایم 2 لاہور سے کوٹ مومن تک ہیوی ٹریفک کے لیے بند کردی گئی جبکہ موٹروے ایم 3 کو فیض پور سے سمندری تک دھند کی وجہ سے ہر قسم کی آمدورفت کیلئے بند کر دیا گیا ہے ۔

ترجمان موٹروے پولیس سید عمران احمد نے شہریوں کو غیر ضروری سفر سے گریز کرنے کی ہدایت کرتے ہوئے کہا ہے کہ اگلی گاڑی سے مناسب فاصلہ رکھیں، دوران ڈرائیونگ فوگ لائٹس کا استعمال کریں، رہنمائی کیلئے ہیلپ لائن 130 یا ٹوئٹر سے مدد لی جا سکتی ہے۔ 

دھند کے باعث موٹروے پشاور سے رشکئی تک جبکہ موٹروے ایم 3، ایم 4 اور ایم 5 بھی ٹریفک کے لیے بند کردی گئی ہیں۔ 

دوسری جانب دھند اور  موسم کی خرابی کے باعث پیر کے روز 18 پروازیں منسوخ کی گئیں۔