سی ٹی ڈی پنجاب کی کارروائی، 11 دہشتگرد گرفتار

لاہور: کاؤنٹر ٹیررازم ڈیپارٹمنٹ (سی ٹی ڈی) نے لاہور سمیت پنجاب کے مختلف شہروں میں کارروائیاں کرتے ہوئے 11 دہشت گردوں کو گرفتار کر لیا۔

سی ٹی ڈی ترجمان کے مطابق افغانستان سے تربیت یافتہ تحریک طالبان پاکستان کے اہم کمانڈر کو بہاولپور سے گرفتار کر لیا گیا، ترجمان نے بتایا کہ دہشت گردوں کے قبضے سے دھماکہ خیز مواد، خودکش جیکٹ، آئی ای ڈی بم اور دو ڈیٹونیٹرز برآمد ہوئے ہیں۔

انہوں نے مزید کہا کہ دہشت گرد مختلف اداروں پر حملے کی منصوبہ بندی کر رہے تھے۔ترجمان کے مطابق آپریشن لاہور، ساہیوال، سرگودھا، بہاولپور، جھنگ، نارووال اور جہلم میں کیا گیا۔