100 انڈیکس ایک ہزار 147 پوائنٹس کی کمی

کراچی: پاکستان سٹاک مارکیٹ میں گزشتہ کئی دنوں سے مندی کا رجحان برقرار ہے۔

کاروباری ہفتے کے پہلے دن بھی سرمایہ کاروں کا اعتماد بحال نہ ہوسکا، پاکستان سٹاک ایکسچینج میں 654 پوائنٹس کی کمی دیکھنے میں آئی۔

سٹاک مارکیٹ میں کمی کے ساتھ 100 انڈیکس 59 ہزار 218 پوائنٹس پر آگیا ہے۔

واضح رہے کہ کاروباری ہفتے کے آخری روز پاکستان سٹاک مارکیٹ میں کاروبار کا اختتام منفی زون میں ہوا جس کے باعث 100 انڈیکس ایک ہزار 147 پوائنٹس کی کمی کیساتھ 59 ہزار 873 پوائنٹس کی سطح پر بند ہوا تھا۔

ماہرین کے مطابق عام انتخابات کے نتیجے میں حکومت سازی میں غیر معمولی پیچیدگیوں کا سامنا ہے جس کے نتیجے میں سٹاک مارکیٹ میں سرمایہ کاروں کا اعتباد بحال نہیں ہو پا رہا۔