لاہور سمیت مختلف علاقوں میں گزشتہ رات بوندا باندی

لاہور: لاہور سمیت ملک کے مختلف علاقوں میں رات گئے بوندا باندی سے موسم خوشگوار ہوگیا۔

محکمہ موسمیات کے مطابق پنجاب کے ضلع چنیوٹ اور خیبرپختونخوا کے شہر مالاکنڈ میں بارش ہوئی جب کہ ضلع استور میں برفباری ہوئی۔

آج بالائی خیبرپختونخوا، شمالی پنجاب، گلگت بلتستان اور کشمیر میں ہلکی بارش اور برفباری کا امکان ہے۔

محکمہ موسمیات کے مطابق بارش کا نیا سسٹم 9 مارچ سے ایران سے بلوچستان میں داخل ہوگا۔

دوسری جانب پہاڑی علاقوں میں بارش اور برفباری کے باعث گوادر، چمن، قلعہ عبداللہ سمیت بلوچستان کے مختلف شہروں میں رابطہ سڑکیں بند ہوگئی ہیں جس سے لوگوں کو شدید مشکلات کا سامنا ہے۔