سہیل آفرید ی نےمالاکنڈ میں ہزار بستروں پر مشتمل جدید ٹرشری کیئر اسپتال کی منظوری دے دی

پشاور: وزیر اعلی خیبر پختونخوا سہیل خان آفرید ی نے مالاکنڈ میں ایک ہزار بستروں پر مشتمل جدید ٹرشری کئیر اسپتال بنانے کی منظوری دےدی۔

تفصیلات کے مطابق وزیراعلیٰ سہیل آفریدی کی زیرصوبائی کابینہ کا صدارت اجلاس ہوا جس میں مالاکنڈ ڈویژن کیلئے صحت کے شعبے میں ایک بڑے منصوبے کی منظوری دے دی گئی۔

اجلاس میں فیصلہ کیا گیا کہ مالاکنڈ میں ہزار بستروں پر مشتمل اسٹیٹ آف دی آرٹ ٹرشری کیئراسپتال قائم کیا جائیگا جو پورے ڈویژن کے عوام کے لئے جدید طبی سہولیات فراہم کرے گا۔

دوران اجلاسوزیراعلیٰ خیبر پختونخوا سہیل آفریدی نے اسپتال کے قیام کے لئے درکار زمین کی فوری خریداری کا عمل شروع کرنے کی ہدایت بھی جاری کی،انکا کہنا تھا کہ ٹرشری کیئر اسپتال کے قیام سے مالاکنڈ ڈویژن کے عوام کو بڑا طبی ریلیف ملے گا اور انہیں علاج کے لیے پشاور، اسلام آباد یا دیگر بڑے شہروں کا رخ نہیں کرنا پڑے گا۔

وزیر اعلی سہیل خان آفرید ی نےکہا کہ نئے اسپتال میں ایمرجنسی سروسز کے ساتھ ساتھ دل کے امراض کے جدید علاج اور کڈنی ٹرانسپلانٹ جیسی اہم سہولیات فراہم کی جائیں گی۔

ان کا مزید کہناتھاکہ خیبر پختونخواحکومت عوام کو ان کی دہلیز پرمعیاری صحت کی سہولیات فراہم کرنے کے لئے پرعزم ہے اور یہ منصوبہ اسی وژن کا عملی مظہر ہے،اسپتال کی تکمیل سے علاقے میں صحت کے نظام کو جدید خطوط پر استوار کرنے میں مدد ملے گی۔