سٹاک ایکسچینج میں تیزی کا رجحان، 100 انڈیکس 67 ہزار پوائنٹس کی حد عبور کر گیا

 پاکستان سٹاک ایکسچینج میں کاروبار کے دوران 100 انڈیکس 67 ہزار پوائنٹس کی حد عبور کر گیا۔

کاروباری ہفتے کے چوتھے روز بھی پاکستان سٹاک مارکیٹ میں مثبت رجحان دیکھا گیا ہے، 463 پوائنٹس اضافے کے ساتھ 100 انڈیکس 67 ہزار 10 پوائنٹس کی سطح پر ٹریڈ کر رہا ہے۔

یاد رہے کہ گزشتہ روز کاروباری دن کے اختتام پر 100 انڈیکس 641 پوائنٹس اضافے کیساتھ 66 ہزار 547 پوائنٹس کی سطح پر بند ہوا تھا۔