پی سی بی چیمپئنز ٹرافی کیلئے چند مقامات کو اپ گریڈ کرے گا، چیئرمین پی سی بی

آئی سی سی چمپئنز ٹرافی 2025  کے مقامات اور سہولیات کا معائنہ کرنے کیلئے پاکستان آئے ہوئے انٹرنیشنل کرکٹ کونسل کے وفد نے لاہور میں پاکستان کرکٹ بورڈ کے چیئرمین محسن نقوی سے ملاقات کی۔

آئی سی سی چمپئن ٹرافی کے سربراہ کرس ٹیٹلی اور دیگر سینئر حکام کی قیادت میں وفد نے آئی سی سی چمپئنز ٹرافی 2025 کے کامیاب انعقاد کے لئے مختلف پہلوؤں پر تبادلہ خیال کیا۔

اس موقع پر چیئرمین پی سی بی محسن نقوی نے کہا کہ آئی سی سی ٹورنامنٹ کی میزبانی نہ صرف پی سی بی بلکہ پاکستان بھر میں کرکٹ سے محبت کرنیوالے شائقین کیلئے بھی خوش آئند پیشرفت ہے۔

 چیئرمین پی سی بی محسن نقوی نے کہا کہ پی سی بی ٹورنامنٹ کے آغاز سے قبل ملک کے تین بڑے مقامات کو بروقت اپ گریڈ کرے گا۔