مقبوضہ کشمیر گاڑی گہری کھائی میں جا گری ، 10 افراد جاں بحق

بھارت کے غیرقانونی زیرقبضہ جموں وکشمیر میں سری نگر جموں شاہراہ پر ایک مسافر گاڑی گہری کھائی میں گرنے سے دس افراد جاں بحق ہوگئے ۔

کشمیرمیڈیا سروس کے مطابق بدقسمت گاڑی کو حادثہ گزشتہ شب پیش آیا جب وہ ضلع رام بن میں بیٹری چشمہ کے قریب ایک گہری کھائی میں جاگری۔

غیر ملکی خبر رساں ادارے کے مطابق یہ افسوسناک واقعہ مقبوضہ کشمیر میں پیش آیا، جہاں سری نگر جموں شاہراہ پر مسافروں سے بھری ہوئی گاڑی کھائی میں جاگری ۔