امیر بالاج قتل کیس میں نامزد ملزمان طیفی بٹ اور گوگی بٹ اشتہاری قرار

لاہور: امیر بالاج قتل کیس میں نامزد ملزمان طیفی بٹ اور گوگی بٹ کو اشتہاری قرار دے دیا گیا۔

امیر بالاج قتل کیس میں اہم پیش رفت ہوئی ہے، مقدمے میں نامزد دونوں ملزمان کو اشتہاری قرار دے دیا گیا ہے۔ پولیس کے مطابق ٹیم اگلے چند روز میں طیفی بٹ کی گرفتاری کے لیے بیرون ملک جائے گی۔

پولیس نے بتایا کہ گوگی بٹ پاکستان میں روپوش ہے۔ آرگنائزڈ کرائم یونٹ کے مطابق دبئی پولیس نے طیفی بٹ کی گرفتاری میں تعاون کی یقین دہانی کرائی ہے۔

آرگنائزڈ کرائم یونٹ کے مطابق امیر بالاج قتل کیس کی تفتیش تقریباً مکمل ہے، تفتیش کے تمام تانے بانے طیفی بٹ سے ملتے ہیں۔