پنجاب پولیس کا پتنگ بازی کے خلاف بڑا کریک ڈاؤن

لاہور: ترجمان پنجاب پولیس کا کہنا ہے کہ گذشتہ 24 گھنٹوں کے دوران لاہور سمیت صوبہ بھر سے 57 ملزمان گرفتار، 60 مقدمات درج، کیے گئے ہیں۔ ملزمان کے قبضے سے 2636 پتنگیں، 89 چرخیاں برآمد کی گئیں۔

ترجمان نے بتایا کہ پولیس ٹیموں نے صوبہ بھر سے 3562 ملزمان کو گرفتار کیا ہے۔ ملزمان کے قبضے سے 02 لاکھ 16 ہزار سے زائد پتنگیں، 14 ہزار سے زائد ڈور چرخیاں برآمد کی گئیں۔

ترجمان پنجاب پولیس کے مطابق گذشتہ 33 روز کے دوران لاہور سمیت صوبہ بھر میں اینٹی کائٹ فلائنگ کے ایکٹ کے تحت 3437 مقدمات درج کیے گئے۔

یاد رہے کہ آئی جی پنجاب ڈاکٹرعثمان انورنے سپروائزری افسران کو دھاتی ڈور و پتنگوں کے خلاف کریک ڈاؤن کی خود نگرانی کی ہدایت کی ہے۔

انہوں نے مزید کہا کہ کسی کو بھی اس خونی کھیل کھیلنےکی اجازت نہیں دیں گے اور پنجاب میں ہر صورت پتنگ بازے کے خلاف آپریشن کریں گے ۔